LRT sa Sugbo pasuportahan

CEBU, Philippines - Giawhag sa hunta probinsiyal ang mga kongresista sa Sugbo nga suportahan ang pagbutang og Light Rail Way Transit System o sama’ng alternative modern mass transport system alang sa kasulbaran sa problema sa kahuot sa trapiko.

Si Bokal Arleigh Sitoy ang nangamahan sa resolusyon alang sa maong panawagan.

Matud ni Sitoy nga ang pagbutang og moderno’ng transport system makatabang alang sa haruhay nga pagbiyahe ilabi na nga ang kahuot sa trapiko ang daku’ng frustration sa mga Sugboanon.

Ang plano subli’ng gibanhaw ni Kongresista Gerald Anthony Gullas sa una’ng distrito sa probinsiya.

Ang apohan ni Gullas nga si kanhi kongresista Eduardo Gullas ang una’ng niduso sa plano sa Kongreso apan wala natuman. Ang batan-ong Gullas nagkanayun nga dili siya mohunong sa tinguha sa pagduso alang sa LRT sa Sugbo. (BANAT NEWS)

Source: philstar.com - Balita