Taga Kananga Leyte, patay human nakig turjack

ORMOC CITY- Patay ng napalgan sud sa iyang giabangang lawak sa usa ka lodging house ang usa ka kawani sa usa ka inila ug dakong corporation niadtong milabayng adlaw.

Giila ang biktima nga si Perlito Aligante, anaa sa hustong edad ug nagpuyo sa barangay Lim-ao lungsod sa Kananga, Leyte.

Base sa police blotter, alas 5:15 sa milabayng adlaw nakdawat og tawag gikan sa font desk sa Sunette Bay Pension House ang kapulisan labot sa maong hitabo.

Sa pag respondi sa kapulisan uban sa taga city rescue ilang naabtan ang wala nay kinabuhi nga biktima sud sa giabangan niini nga lawak diin wa na kini sapot ug nituyhakaw pa ang kinatawo niini.

Matod ni PO1 Dennis Dabalos, desk officer on duty, nga nisugilon ang font desk nga si Noel Menguilita nga wa siya makabantay nga dunay gikauban nga babay ang biktima sa dihang ni avail kini sa shortime rate nila.

“duna sab baya usahay nga mag una lang og check-in ang lalaki unya textsan lang ang babay nga naa siya ani nga room, wa ko mo ingon ha nga mao ni, pero naa nay nahitabo ana” matod ni Dabalos.

Suma pa ni Menguilita nga, sa dihang napupos na ang oras sa shortime iyang gituktok ang lawak apan walay mo abli hinungdan nga iyang gikuha ang duplicate nga yawe ug giablihan ang lawak ug didto nisugat sa iya ang nag buy-od nga patayng lawas sa biktima.

Gidala sa tambalanan ang biktima apan gideklarar kining dead-on-arrival.

Wala namay foul play ang kamatayon sa biktima.