4 mil niduyog sa penitential walk sa Kaplag

CEBU, Philippines- Gibanabanang kuwatro mil ka debotos ang nanguyog sa Penitential Walk with Jesus kagahapon sa kaadlawon nga kabahin sa selebrasyon sa ika-450 anibersaryo sa Kaplag.

Kini maoy pagbanabana ni Cebu City Police Office officer-in-charge Senior Superintendent Marciano Batiancela kinsa maoy nangulo sa pagsiguro sa seguridad sa mga deboto.

Matud niya way mga kagubot o namugnang problema sa trapiko ang maong relihiyosong kalihokan.

Ang CCPO mi-deploy og dul-an 200 ka polis inabagan sa mga sakop sa Regional Public Safety Battalion (RPSB) – 7 ug ingon man K9 Units sa Central Command sa Armed Forces of the Philippines.

Daan nang gibutang ni Batiancela sa heightened alert ang Cebu City sugod pa niadtong Sabado ug libkason lang kini ini og mahuman ang usa ka semanang kalihokan sa Kaplag.

Subli usab siyang nipahimangno sa publiko nga dili magkompiyansa ug dili magdala og mga mahalong butang ug dagkong kwarta nga makapatintal sa mga kriminal.

Matud pa ni Batiancela mokabat 1,500 ka police personnel ang ilahang gamiton sa tanang kalihokan sa Kaplag. Susamang seguridad ang ilang ipatuman matag Sinulog. (BANAT NEWS)

Source: philstar.com - Balita