Siyam ka police offices sa cv gipasidunggan

CEBU, Philippines - Siyam ka mga law-enforcement units sa Central Visayas ang gipasidunggan isip Silver Eagle Awardees sa Camp Crame human sa initiation stage sa Performance Governance System sayo ning tuiga, kini may labot gihapon sa Philippine National Police PATROL Plan 2030. Lakip sa awardees mao ang police offices sa Cebu, Siquijor, Bohol, Negros Oriental, Mandaue City, ug Biliran.

Mga city offices usab sa Dumaguete ug Guihulngan, sa Negros Oriental, lakip na ang Regional Public Safety Battalion-7, naapil usab sa maong award.

Ang PGS nagsugod niadtong Mayo 23 ug nahuman sa miaging buwan.

Ang awarding pagahimuon sunod semana sa national headquarters sa Quezon City. Ang tumong sa maong programa mao ang pag-usab sa PNP sa pagreporma sa organizational dysfunctions ug pagpalambo sa kalidad niini sa paghatud og serbisyo ngadto sa katawhan, paglig-on sa kapabilidad niini ug pagpalambo sa benepisyo sa kapulisan. Ang PGS adunay upat ka stages nga mao ang initiation, compliance, proficiency, ug institutionalization. Usa sa tan-awon sa mga hurado ang mga pamaagi sa matag police unit kung giunsa nila pagpakgang ug pagsulbad sa mga krimen sa ilang mga lugar. (BANAT NEWS)

Source: philstar.com - Balita