Ormoc: Drug pusher gi pusil ni Pacqiao

ORMOC CITY- Nalandig sa tambalanan ang usa ka lalaki kahuman kini pusila didto sa highway sa barangay Cagbuhangin ning dakbayan ganihang ala 1:20 sa kadlawn (Mar. 4, 2014) 

Ang biktima nailhan sa pangan nga si Jerry Cabalquinto, 36, dunay kapuyo ug nagpuyo sa Poblacion lungsod sa Kananga.

Samtang ang mga suspek giila nga sila si alyas "Pacquiao" ug alyas "Abet", base sa police blotter ang duha ka suspek giingong mga drug dealer nga nag operate sa lungsod sa Kananga ug Ormoc.

Sa inisyal nga imbistigasyon sa kapolisan sa Police Station 2, nasayran nga giadto sa mga suspek ang biktima sa iyang balay sa Kananga.

Gipakuyog sa duha ang biktima padung sa Ormoc kay dunay kuhaon nga "goods".

Sa dihang niabot sila sa ngiob nga bahin sa Cagbuhangin, gipakanaog ni Pacquiao ang biktima kay ipa susi ang ligid sa ilang gisakyan nga motorsiklo.

Sa pagsusi sa ligid, giingnan ni Pacquiao ang biktima nga "pasensya naka bai" ug sa pag lingi sa biktima gipusil kini sa iyang baba.

Mi eskapo ang biktima ug nisuot kini sa katubhan ug naabot sa panimalay sa usa ka Epefanio Meramonte, busa ang kapitan sa barangay nga si Eduardo Nazario nitawag sa kapolisan sa dihang iyang nakit-an ang biktima nga nisulod sa balay ni Meramonte.

Sa pakighinabi sa kapolisan, nitug-an ang suspek nga usa siya ka drug pusher ug dako siyag pagtuo nga tungod sa utang niya nga P11,000 ang hinungdan nga buot siyang patyon.

Nakuha ang usa ka bala sa kalibre 45 sa baba sa biktima.

Padayon karon ang gihimong imbistigasyon sa kapolisan. By: JKP89/Power 90.3 FM