Mga polis sa Matalom, Leyte sikop kay nasakpan na nag suyop ug Shabu

MATALOM, Leyte- Wa maka ikyas sa mga operatiba sa Northern Leyte Criminal Investigation and Detection Group (NL-CIDG) ang usa ka polis sa Hinunangan nga naaktuhang nagsuyop og shabu.

Matod ni P/Sinsp. Elvis Angay-Angay, hepe sa NL-CIDG nga naa mag base sa Ormoc, nga ilang naaktuhan si Spo1 Esmeraldo Eco nga nagsuyop atol sa ilang gihimong raid sa panimalay ni Herlon Nebria didto sa barangay Sta. Fe lungsod sa Matalom tungod sa pahupot niini og mga way lisensyang armas.

"nagulat nga kami, hindi namin inakala na may pulis pala sa loob, muntik pang magkabarilan" matod ni Angay-Angay.

Base sa spot report sa NL-CIDG, nga alas 8:40 sa gabie niadtong unang semana, nihimo sa pag implementar og search warrant ang mga operatiba ngadto sa panimalay ni Nebria tungod sa kalapasan niini sa Republic Act 10591 (comprehensive firearms and ammunition regulation act).

Ang mang search warrant giluwatan ni Hilongos Leyte, RTC branch 18 executive judge Ephrem Abando.

Nilampos ang mga operatiba sa ilang tuymong ug nasikop sila si Spo1 Esmeraldo Eco, 44, pulis nga nadestino sa Hinunangan Southern Leyte; Brando Delos Santos, 33 ug si Herlon Nebria.

Nakuha sa kapolisan ang 1 ka unit nga 9mm; 2 ka unit nga 38 revolver; 1 ka improvised cal.22 rifle; 11 ka buhing bala sa 38 revolver; 1 ka holster; 1 ka holster for snub nose; 2 ka magazine sa 9mm; 22 ka buhing bala sa 9mm; 1 ka holster sa 9mm; 1 ka magazine pouch sa 9mm; 2 ka cellphone; 7 ka empty shell sa M16 rifle; 4 ka empty shell sa 38 revolver ug PNP ID ni Eco.

Lakip nga nakuha sa kapolisan ang 16 ka pakete sa gituhoang shabu ug nagkadaiyang paraphernalia.

Kasong kalapasan sa RA 10591 ug 9165 ang giatubang ni Nebria samtang kalapasan naman sa RA 9165 ang kaso ni Delos Santos ug Eco. By: JKP89/Power 90.3 FM

PHOTO: ang mug shot sa tulo ka mga dinakpan sa NL-CIDG.