February 27, 2014
Mayor Rama modangop sa NBI pag-ila sa hacker
Do you like this story?
CEBU, Philippines - Si Cebu City Mayor Michael Rama modangop sa National Bureau of Investigation sa kaulohan aron ipaimbestigar ang pag-hack sa website sa Cebu City Hall.
Kini human nasulbad sa Management Information and Computer Services (MICS) ang pag-hack sa opisyal nga website sa kagamhanan sa Sugbo.
Matud ni Rama nga ang maong problema nga nasinati sa city hall dili ordinaryo ug mamahimo kining mahitabo sa websites sa ubang ahensya sa gobiyerno.
“The NBI may have the capability na in connecting computers internationally, all worldwide in terms of hacking,” niingon si Rama.
Ang website sa kagamhanan sa Sugbo nga http://ift.tt/1dEWOhr temporaryong nawagtang sukad niadtong Sabado sa gabii ug nabalik niadtong Lunes na sa gabii.
Matud ni Conrado Ordesta III, MICS chief, magbuhat sila og suwat nga ipadala ngadto sa NBI-7 aron maoy mopasa ngadto sa ilang ulohang buhatan.
Dugang ni Ordesta nga ang NBI sa kaulohan adunay cybercrime laboratory nga makatabang sa imbestigasyon. Sa niaging adlaw niingon si Ordesta nga Portuguese hacker ang nibuhat niini. (BANAT NEWS)
Source: philstar.com - Balita
This post was brought to you via RSS.
We take no responsibility whatsoever on any articles posted via RSS. If you want to know more about the author/article, please see source. Thank you, Pipeline Team
0 Responses to “Mayor Rama modangop sa NBI pag-ila sa hacker”
Post a Comment