Gituuhang "Shabu" nasikmat

ORMOC CITY- usa ka buy bust operation ang gihimo sa kapulisan sa police station 1, alas 8 sa gabie (feb. 3, 2014) didto sa dalan osmeña ,barangay district 17.

ang suspek mao si Vincent Ligitan, 23, dunay kapuyo ug nagpuyo sa nahisgutang lugar.

nakuha gikan sa suspek ang 3 ka pakete sa gituhoang shabu ug mga salapi lakip na ang duha ka tig P500 nga marked money.

si Pcinsp. Ibrahim Jambiran, hepe sa police station 1, niingon nga niadto pang milabayng tuig nila gipanid-an ang maong suspek kinsa gireklamo na sa mga concerned citizens nunot sa maong binuhatan.

si Jambiran misugilon nga usa usab ka impormante ang ilang gihimong tulay sa pagsikop sa suspek.

dugang pa ni Jambiran nga, gawas sa pagbaligyag drogas suspek usab sa pagpanglabni ang nadakpan.

atol sa operasyon, duna pay nahitabong ginukdanay tali sa suspek ug sa kapulisan.

gihimakak naman sa suspek ang pasangil batok kaniya ug siya mi alegar nga planted lang ang nakuhang mga iligal nga butang gikan kaniya.

ipasaka na ugmang adlawa (feb. 4, 2014) ang kasong kalapasan sa republic act 9165 kon comprehensive dangerous drugs act of 2002 batok sa suspek.

(HULAGWAY: gipundokan sa daghang taw si Ligitan nga naka posas, naglingkod sa waiting shed samtang nagsud-ong sa kapulisan nga nag imbentaryo sa mga ebedensyang nakuha)