NBA: TONY PARKER MAMAWI KARONG GAME 5!

Human sa ilang kapildehan sa Game 4, ang point guard sa San Antonio Spurs nga si Tony Parker nagkanayon nga mobawi siya karon sa Game 5, ang kataposang home game sa Spurs didto sa AT&T Center.

Matod pa ni Parker wala na siya batia'g sakit sa iyang hamstring. "Feeling better. No extra pain, " sumala pa ni Parker nga nagtumbok sa iyang tuong hamstring nga iyang nasinati atol sa second half sa Game 3 diin ilang gilubong ang Miami Heat sa iskor 113-77. 

Nakahukom si Parker nga moduwa siya sa Game 4 ug mi-iskor siya'g 15 puntos nga pulos didto sa first half ug wala na siya maka-iskor didto sa second half dihang napilde sila sa iskor, 93-109.

Misugot si coach Gregg Popovich nga moduwa si Parker kaniadtong Huwebes apan tataw nga duna pa siya'y gipamati ug igo lang siyang nakahimo'g 7 of 12 shots uban sa iyang unom ka assists ug may tulo ka turnovers sulod sa 18 minutos sa korte.

Ang medyo gikapoy nga si Parker nagkanayon "It was kind of weak. I didn't know what to expect. So the first three, four minutes I was testing it, and the first half it felt OK. And the second half I think I got fatigued a little bit. But overall I'm just happy I didn't make it worse. That was the goal, to not try to get hurt, because Pop was not really happy, meaning I wanted to play and took a little risk. So I'm happy I'm not worse."

Mibahug og 21 puntos si Parker uban sa walo ka assists  dihang midaug ang Spurs sa Game 1 sa iskor  92-88 sa Game 1 apan mikunhod ang iyang puntos ngadto sa 13 ug 15 sa duha ka duwa.

"It's going to be huge for me," sumala pa ni Parker. Mipadayon sab siya sa pag-ingon,  "Obviously, definitely got fatigued in the second half. Those two days I'm going to make sure I do a lot of treatment and get to 100 percent. [Thursday night] I was not 100 percent. By Sunday, that's my goal, to be good to go."

Sa parehong 2-2 nga record sa series, kataposan kining home game sa Spurs sa finals ug importante kaayo kini alang  kanila tungod kay ang laing duha ka duwa kung kinahanglanon,  adto na man sa Miami diin wala sila mapilde ug back-to-back games karon nga  season.