April 24, 2015
Nanginhas napalgan patay
Do you like this story?
CEBU, Philippines - Patay na nga napalgan ang 60-anyos nga lalaki kinsa gituohang nalumos samtang nanginhas sa kadagatan sa Kinawahan, lungsod sa San Remigio alas 8 pasado ang takna sa niagi’ng gabii.
Si Chief Inspector Alexander Ancao, hepe sa San Remigio Police Station, niila sa namatay nga si Rodulfo Dignos Baliguat, taga barangay Canagahan sa mao’ng lungsod.
Matud ni Ancao nga nagbinugtong sa pagpanginhas ang lalaki ug nahingawa ang mga sakop sa pamilya nga wala na mahiuli.
Ang silingan nga si Bob Mainit mao’y nakaiwag sa iya’ng flashlight sa biktima nga nagkulob nga naglutaw sa dagat alas 8 pasado na sa gabii.
Ang municipal health officer nga gitawag alang sa pagtabang sa biktima ang nideklarar niini nga patay na. (BANAT NEWS)
Source: philstar.com - Balita
This post was brought to you via RSS.
We take no responsibility whatsoever on any articles posted via RSS. If you want to know more about the author/article, please see source. Thank you, Pipeline Team
0 Responses to “Nanginhas napalgan patay”
Post a Comment