ORMOC CITY- Misaka karon og sobra katunga sa naandang presyo ang mga buwak nga gibaligya dinhi sa Ormoc

Kung itandi, ang lima ka rosas nga dunay heart nga gibutangan og stick anaa ra kini sa P50 pesos sa milabayng tuig apan karon anaa na kini sa P150 pesos. Ang bouquet nga dunay duha ka teddy bear, usa ka yellow rose, heart nga dunay stick nga gihapinan og sinamay sa milabayng tuig anaa lang kini sa P100 ngadto sa P150 apan karon P300 pesos na.

Ang teddy bear nga dunay ribbon ug heart nga gisud sa basket sa milabayng tuig anaa lang kini sa P100 apan karon anaa na sa P200 samtang ang rose anaa lang sa P25 ngadto P30 sa milabayng tuig apan karon anaa na kini sa P50 pesos.

Ang kanihit sa suplay sa buwak maoy gitumbok sa mga manindahaya sa pagsaka ning presyo.

Matod pa nila nga gikan pa sa baguio ang mga buwak ug ibyahe kini ngadto sa metro manila og ipadala naman kini sa kabisay-an.

Usa ka manindahay ang miingon nga kung way dugang mga buwak nga moabot karong adlawa dunay posibilidad nga mosaka pa gyod ang mga presyo ning mga buwak nga ilang gibaligya karon, apan ang mga mamalitay wa nalang kaayo mohatag og bili sa ka mahal ang importante makapalipay sila sa ilang mahal sa kinabuhi ug alang kanila ka usa ra kini nga kasaulogan suds a usa ka tuig.

Ang mga manindahay 24 oras nga nagabli sa ilang tindahan aron sa pagpangiyawat sa halin niining kasaulogan sa adlaw sa gugma.

Kagabie (feb 13,2014), duna nay nagsugod sa pagpamalit og mga buwak ug red heart shaped nga balloon samtang karong adlawa dako og paglaum ang mga manindahay nga mo kusog ang ilang panghalin.

By: JKP89

Source: POWERFM